د رهبري شورا غونډه ترسره شوه
یکشنبه د میرویس خان نیکه زابل دلوړو زده کړو په مؤسسه کښې د مؤسسې د رهبري شورا غونډه په داسی حال کي وشوه، چې پر مهال ئی د میرویس خان نیکه زابل د لوړو زدکړو مؤسسې رئیس الحاج روح الله مشال، علمي او محصلانو چارو مرستیال نوماند پوهنیار بهاؤالحق عزام، مالي او اداري مرستیال مولوی عبدااستار حقانی، دپو هنځیو رئیسانو او نورو غړو حضور درلود.
یاده غونډه چي دقرآن کریم د څو مبارکو آیاتونو په تلاوت پیل شوه؛ په سر کښې د میرویس خان نیکه زابل د لوړو زده کړو مؤسسې د رئیس الحاج روح الله مشال له لوري د غونډي ګډونوالو ته ښه راغلاست وویل شو او د غونډي اجنډا يي ګډونوالو ته بیان کړه.
وروسته د ګډون والو له لوري د اجنډا مطابق پر ځینو مواردو بحث وشو، چې پکښې د دعوت او ارشاد اړوند د مؤسسې او پوهنځیو په سطحه کميټې جوړول، د دعوت او ارشاد برخي لپاره مالي پلان جوړول، د پوهنځيو څخه نظارت او دلوړو زده کړو د وزارت په دریم ستراتیژیک پلان کښې د يادي مؤسسې اړوند زیربنايي پروژي په ګوته کول شامل وو.
د غونډي په پای کښي د ګډون والو له لوري پر ځينو متفرقه مسائلو باندي بحث وشوو، وروسته غونډه د دوعا په ویلو سره پای ته ورسیده.
