د علمي شورا میاشتنۍ نوبتواره غونډه ترسره شوه نن ورځ سه شنبه چې ۴/۲/۱۴۴۷نیټې سره برابره ده د میرویس خان نیکه زابل د لوړو زده کړو مؤسسې د علمي شورا نوبتواره غونډه ترسره شوه. یاده غونډه چې د مؤسسې رئیس الحاج روح الله (مشال)، د علمي او محصلانو چارو مرستیال، م

د علمي شورا میاشتنۍ نوبتواره غونډه ترسره شوه نن ورځ سه شنبه چې ۴/۲/۱۴۴۷نیټې سره برابره ده د میرویس خان نیکه زابل د لوړو زده کړو مؤسسې د علمي شورا نوبتواره غونډه ترسره شوه. یاده غونډه چې د مؤسسې رئیس الحاج روح الله (مشال)، د علمي او محصلانو چارو مرستیال، مالي او اداري چارو مرستیال، د پوهنځیو رئیسانو او آمرینو پکښې ګډون کړی و د قرآنکریم په تلاوت سره پیل شوه. د یادې غونډې پيليزه وينا د مؤسسې رئیس وړاندې کړه، نوموړې په خپلو خبرو کې وویل: دا چې د مؤسسې ستراتیژیک پلان د ښارسازۍ وزارت له لوري منظور او کارونه یې نهایې شول، زموږ لپاره یوه مهمه لاسته راوړنه ده ترڅو د معیاري ودانیو جوړولو، تدریسي او اداري بلاکونو د پراختیا او د عصري تحصیلي فضا رامنځته کولو لپاره خپلي هڅې لا هم زیاتې کړو. نوموړې همدې موضوع ته په کتلو سره يټینګار وکړ چې استادان، رئیسان او آمرین دې خپلو مسؤولیتونو ته متوجه او خپل کارونه دې په وخت سرته رسوي. ورپسې د علمي او محصلانو چارو مرستیال د تېر ۱۴۰۳ تحصیلي کال د قوت او ضعف په نقاطو باندې بحث وکړ، نوموړې د پوهنځیو رئیسانو او د څانګو آمرینو ته یادونه وکړه چې د تیر تحصیلي کال د ضعف ټکيو ته عملیاتي پلانونه جوړ کړئ او هم د نصاب له تطبیق څخه نظارت او تعقیب تر سره کړئ. همدارنګه د مالي او حسابي چارو عمومې مدیر د نوبت له مخې د غونډې ګډونوالو ته د ۱۴۰۴ هـ ق کال بودیجې، عوایدو او د منظور شوو پروژو معلوماتو تر څنګ د مالي او اداري چارو معاونیت د لومړۍ ربعې راپور هم وړاندې کړ. وروسته د غونډې ګډونوالو د ټاکل شوې اجنډا پر موضوعاتو باندې مفصل بحثونه وکړل او یو شمېر مهمې پریکړې يې وکړې. د عملي شورا همدا نوبتواره غونډه د دعا په ویلو سره پای ته ورسېده. د نشراتو، اړیکو او عامه پوهاوي عمومي مدیریت