محصلینو ته ( اعتماد پر نفس او انګېزه څه ده) تر عنوان لاندې یو ورځنی سمینار وړاندې شو.
د میرويس خان نيکه پوهنتون د محصلانو خدمتونو او همغږي آمریت اړوند د رواني مشورې ورکولو مرکز له لوري محصلینو ته ( اعتماد پر نفس او انګېزه څه ده) تر عنوان لاندې یو ورځنی سمینار وړاندې شو.
لومړی سمينار د قرآن کریم په تلاوت سره پیل او وروسته د یاد سمينار وړاندې کوونکې استاد نوماند پوهنار حميدالله احمدي په پیلیزه وینا کې د سمينار اهمیت، اړتیا او د موضوعاتو اړوند وینا محصلینو ته وړاندې کړه.
همدارنګه نوموړي استاد په یاد سمینار کې د اعتماد پر نفس او انګېزې پر مفاهیمو، د هغې پر اهمیت، د شخصیت په جوړښت کې یې رول او د محصلینو په ژوند کې د اغېزمن استعمال څرنګوالي خبرې وکړې.
د سيمينار په پای کې ګډونوالو د موضوع د ارزښت ستاينه وکړه او غوښتنه يې وکړه، چې د دې ډول علمي او معلوماتي پروګرامونو لړۍ باید دوام ومومي، څو د محصلينو او ځوان نسل د فکري او اخلاقي روزنې بهیر ورسره پیاوړی شي.
نېټه: ۱۴۰۴/۸/۱۲
د نشراتو او عامه پوهاوي عمومي مدیریت.
