د پروپوزل لیکنې لارښود سمینار وړاندي شو
میرویس خان نیکه زابل د لوړو زده کړو مؤسسې، د مسلکي پرمختیايي مرکز په کنفرانس خونه کې د څیړنې آمریت او د ښوونې او روزنې پوهنځي د منوګرافونو د تایید کمیټې په ګډو همکاریو د علمي څیړنو لپاره د پروپوزل لیکنې لارښود سمینار دایر شو.
په یاد سمینار کی، د علمي څیړنې لپاره د پروپوزل لیکنې مهم موضوعات: عنوان ټاکل، سریزه، پیژندنه، اهداف، د اړتیا دلائل، مخینه، د څیړنې پوښتنې، میتودلوژي، د موادو تحلیل او تجزیه، پایلې، وړاندیزونه، د څیړنی د پروپوزل مهال ویش او مأخذونه په ترتیب سره یو په بل پسي وړاندي شول.
د یادونې وړ ده، چې یاد سمینار کی د منوګراف اړوند ضمایم هم ارایه شول او د ګډون والو پوښتنو ته تر ځوابونو وروسته سمینار پای ته ورسید.
