میرویس خان نیکه زابل د لوړو زده کړو مؤسسه د استادانو ظرفیت لوړونې ته ژمنه اداره ده
میرویس خان نیکه زابل د لوړو زده کړو مؤسسه د محصلینو، اداري کارمندانو او د استادانو ظرفیت لوړونې ته ژمنه اداره ده؛ دا په داسي حال کې ده چې میرویس خان نیکه زابل د لوړو زده کړو مؤسسه د منظم پلان او پروګرام له مخې تل په دي هڅه کې وي چې په ټولو برخو کې لا غوره مسلکي او لوړ رتبه استادان ولري تر څو د دوی په وسیله علمي څيړنې ترسره او د ټولنې ستونزې پرې حل کړل شي.
د همدي لويې موخې د لاسته راوړلو لپاره په روان ۱۴۰۳ هـ ش کال کې د یادې مؤسسې د کرهڼې پوهنځی یو تن استاد نوماند پوهنیار محمدایوب هیبت د هيواد په داخل (کابل) کې په افغان نړيوال اسلامي پوهنتون کې ماستري پروګرام را پيل کړ.
میرویس خان نیکه زابل د لوړو زده کړو مؤسسه یو ځل بیا ژمنه کوي، چې د خپل ستراتيژیک پلان او لیدلوري له مخې به ټول هغه امکانات په کار اچوي، چې هيواد او جامعې ته د غوره خدمتونو د وړاندي کولو په مرسته ځانګړی باور ترلاسه کړي.
