د (SPSS)، مقالې لیکنې، د ګوګل استعمال او ماخذ لیکنې اړوند سمینارونه وړاندي شول
د استادانو د کاري ظرفیت لوړونې په موخه د میرویس خان نیکه زابل د لوړو زده کړو مؤسسې، د مسلکي پرمختیایي مرکز په کنفرانس خونه کې، د کندهار پوهنتون څخه راغلو استادانو د SPSS، مقالې لیکنې، د ګوګل استعمال او ماخذ لیکنې اړوند سمینارونه د میرویس خان نیکه زابل د لوړو زده کړو مؤسسې استادانو ته د دوو ورځو په جریان کې وړاندي کړل.
لومړۍ ورځ، د کندهار پوهنتون د اقتصاد پوهنځی استاد پوهنیار محمد یوسف اڅک د دوه ورځني SPSS سمينار څخه لومړۍ برخه، پوهندوی وحیدالله اعظمي او پوهنمل سید انور شاه عابد بیا د مقالې لیکنې د اصولو په اړوند سمینارونه استادانو ته وړاندي کړه.
دوهمه ورځ، پوهنیار محمد یوسف اڅک د دوه ورځني SPSS سمينار څخه دوهمه برخه او د پوهنمل سید انور شاه عابد له لوري د میرویس خان نیکه زابل د لوړو زده کړو مؤسسې شرعیاتو پوهنځی استادانو ته د ګوګل د استعمال او ماخذ لیکنې اړوند معلومات شریک کړل.
یاد سمینارونه د مسکلي پرمختیایي مرکز د پلان مطابق د کندهار پوهنتون د استادانو له لوري چمتو شوي وو.
